मी स्वागत करतो ...(कविता)

मी स्वागत करतो
उत्सवा निमित्त आलेल्या अस्वस्थतेचं...
गोळाबेरजेचे नेहमीचे अंदाज सोबत असल्याच्या
शाश्वततेचंही... मी स्वागत करतो
छोटया दोस्तांसाठी लिहून ठेवलेल्या गोष्टींबद्दल
त्या कवींचं... मी कौतुक करतो
जोडण्यासारखे बरेच अनुभव असतात
पण त्यासाठी धागा शोधत जाण्याच्या
तल्लीनतेला मी शरण जातो
लिहिता हात आणि विचारशील डोकं
यांना मी वंदन करतो
वेदनांचं स्मरण ठेवणाऱ्या स्मृतिस्थळांना
मी सलाम करतो
(C)शिवनाथ तक्ते
९५९५६८७७६४