भयशून्य ध्यास तारे!

 

भयशून्य ध्यास तारे

¶¶

तरसू नकोस आता, 

बरसू नकोस आता

उजळून टाक आता, 

हे आसमंत सारे

भयशून्य ध्यास तारे : शिवनाथ तक्ते

¶¶

विझवू नकोस आता, 

भिजवू नकोस आता

उधळून दे झळाळी, 

भयशून्य ध्यास तारे

¶¶

भुलवू नकोस आता,

झुलवू नकोस आता

विसळून घे पियाली

क्षण दोन धुंद व्हा रे

¶¶

उतरू नकोस आता,

कचरू नकोस आता

उचलून घे गळ्याशी

भयकंप अंध वारे

¶¶

पढवू नकोस आता,

कढवू नकोस आता

देह-कात विस्कटूनी

कळमुक्त वावरा रे

■■■

©शिवनाथ अशोक तक्ते आश्वीकर,

सहायक प्राध्यापक (इंग्रजी विभाग)

श्री साईबाबा संस्थान विश्वस्तव्यवस्था, शिर्डी,

श्री साईबाबा महाविद्यालय, शिर्डी.

९५९५६८७७६४

eshivprabhat@gmail.com